 |
Сёння, 15 снежня, у Шумілінскім раёне ўрачыста дадзены старт рэспубліканскай дабрачыннай акцыі «Нашы дзеці». У Шумілінскім раённым цэнтры культуры прайшло свята «Адзінства стварае цуды», якое сабрала шмат нераўнадушных і спагадлівых людзей, гатовых дзяліцца часцінкай сваёй дабрыні з тымі, хто мае ў гэтым асаблівую патрэбу – з дзецьмі.
У мінулую суботу ў спартыўнай зале СДЮШАР прайшоў кубак Віцебскай вобласці і адкрытае першынство Шумілінскага раёна па вавінам в’ет во дао.
У гэты дзень тут было мнагалюдна: толькі ў паядынках удзельнічалі восем каманд, а гэта больш за 100 спартсменаў з Шуміліна, Віцебска, Магілёва, Брэсцкай вобласці. А яшчэ прыйшлі і прыехалі сябры спартсменаў і сваякі, каб патрымаць юніёраў, малодшых кадэтаў, кадэтаў і дарослых. Удзельнікі першынства былі заяўлены ў 5 узроставых катэгорыях і 30 вагавых, паядынкі праходзілі на двух дыванах.
Удзельнікаў спаборніцтваў з розных куткоў Беларусі на ўрачыстым адкрыцці мерапрыемства вітала намеснік старшыні райвыканкама Ірына Шалахава. Старшыня ГА «Беларуская федэрацыя вавінам в’ет во дао» Сяргей Шарэнда адзначыў, што з кожным годам спорт у Беларусі набывае ўсё большую папулярнасць, усё больш удзельнікаў далучаюцца да вавінам в’ет во дао – баявога мастацтва сілы, руху наперад, імкнення да ўдасканалення. Сяргей Аляксеевіч уручыў падзякі грамадскага аб’яднання кіраўніку гуртка “Вавінам в’ет во дао” РЦДіМ Святлане Бараноўскай – за шматгадовую працу па падрыхтоўцы спартыўнага рэзерву Віцебскай вобласці, дырэктару РЦДіМ Наталлі Пятроўскай і дырэктару СДЮШАР Алегу Асташонку за садзейнічанне ў арганізацыі і правядзенні спартыўных спаборніцтваў.
Адразу адзначым, што падобныя спаборніцтвы – гэта прыгожа, захапляльна і відовішчна. Калі на дыван выходзяць самыя маленькія, шасцігодкі, – наогул кранальна. Маленькія па росце і вагою па дваццаць кілаграмаў у кімано і ахоўнай экіпіроўцы, з-пад якіх і не адразу можна распазнаць, дзе хто, юныя спартсмены праяўлялі ўсю сваю сілу, вельмі хутка і спрытна рухаліся на дыване. Была бачна згуртаванасць шумілінцаў, на рынг юніёраў выводзілі старэйшыя спартсмены, яны ж і падтрымлівалі гучнымі воклічамі. Асаблівы рэспект бацькам: многія з іх знайшлі час, каб падтрымаць дзяцей, а пасля рынгу абняць ці па-мужчынску паціснуць руку.
Захапляльнымі былі і паядынкі сярод дарослых. Складаныя прыёмы падчас работы з партнёрамі, адпрацаваная тэхніка ўдараў кулакамі, нагамі, кідкоў і самаабароны раскрывалі прыгажосць баявога мастацтва.
Паядынкі. Адзначым, што шумілінцы на спаборніцтвах былі на вышыні. Толькі першых месцаў заваявалі трынаццаць. Так, у кантактных паядынках перамаглі Павел Талпегін, Расціслаў Асіпкоў, Аляксандр Канагатаў, Марыя Яскевіч, Кірыл Круглікаў, Мілана Крыштон, Максім Маскалькоў, Сяргей Іваненка, Арцём Смірноў, у тэхнічных відах – Павел Талпегін, Кірыл Смірноў, Ксенія Лясняк, Кірыл Круглікаў. Шумілінцы атрымалі 13 медалёў за другія месцы, 9 – за трэція.
У камандным заліку шумілінская каманда ўзяла золата, серабро – каманда Брэсцкай вобласці, бронзу – Віцебскае кадэцкае вучылішча.
Тэхнічныя віды. У катэгорыі “Тэхнічны віды” перамагла каманда СДЮШАР “Дынама” з Віцебска, другое месца – у Віцебскага гарадскога цэнтра дадатковай адукацыі, трэцяе – у каманды з Шуміліна.
Ларыса ЗАЙЦАВА.
Расійская хваля «Пунсовага ветразя»
Чацвёртая змена ў лагеры «Пунсовы ветразь» стала адметнай. «У лагеры адпачываюць 60 дзяцей, – расказвае начальнік лагера Святлана Раманава. – Упершыню ў лагеры цэлы атрад з Расійскай Федэрацыі: у першым атрадзе адпачывае 21 дзяўчына з Пскова, якія займаюцца ў спартыўнай школе «Брыганціна». Выхавацелем у атрадзе працуе трэнер-выкладчык пскоўскай спортшколы Анжэла Цвяткова. У дзяўчат крыху іншы рэжым, чым у астатніх адпачываючых. Яны больш часу надаюць спартыўным трэніроўкам, хаця і імкнуцца ўдзельнічаць ва ўсіх агульналагерных мерапрыемствах».
– Варыянт адпачынку і аздараўлення нашых дзяўчат у «Пунсовым ветразі» з’явіўся ў маі, калі мы праводзілі спартыўныя зборы ў Шумілінскай СДЮШАР, – расказвае Анжэла Цвяткова. – Дырэктар спартыўнай школы Алег Асташонак расказаў пра лагер «Пунсовы ветразь» і сказаў, што добра было б, калі ўлетку вы тут адпачывалі і сумесна трэніраваліся і рыхтаваліся да новага спартыўнага сезона. Пра такі варыянт паведаміла дзецям і бацькам, якія аднагалосна яго падтрымалі. Алег Вячаслававіч дапамагаў у рашэнні пэўных пытанняў.
У лагеры адпачывае 21 дзяўчына, самай малодшай – 10 год, самай старэйшай – 15. Усе яны займаюцца валейболам. 14 дзяўчынак добра знаёмы з Шумілінам – пскоўская каманда пастаянна ўдзельнічае ў турнірах, што праводзіць наша СДЮШАР. «У Беларусі ўжо чацвёрты раз, – адзначае Васіліса Пятрова. – Падабаецца мне Беларусь. Тут вельмі гасцінныя людзі. Сюды прыязджаеш як да сваіх найлепшых сяброў. Ад каманды хачу сказаць дзякуй дырэктару спартыўнай школы Алегу Асташонку і яго калектыву за гасціннасць, асаблівую цеплыню».
А вось для семярых пскоўскіх дзяўчат візіт у Беларусь – першы. Яны сказалі, што адразу ўлюбіліся ў нашу краіну. «У вас – класна, – з усмешкай кажа Кацярына Іванова. – Чыста. Прыгожа. Утульна. А яшчэ вельмі смачныя малочныя кактэйлі. Як заходзім у краму, то я абавязкова два-тры штукі набываю».
У расійскіх спартсменак насычаная праграма. Практычна штодзённа трэніроўкі і матчавыя сустрэчы з шумілінскімі валейбалісткамі ў СДЮШАР, паспяваюць дзяўчаты годна выступіць у агульналагерных мерапрыемствах – сталі аднымі з лепшых у мерапрыемстве «Сцэна. Святло. Матор», інфармацыйны турыстычны цэнтр Шумілінскага раёна арганізаваў для іх падарожжа да Вялікага каменю і ў дэндрапарк лясгаса (дарэчы, ад прапановы з’ездзіць на экскурсію ў Віцебск ці Полацк дзяўчаты адмовіліся, «горада ў нас і дома хапае»).
І яшчэ. Пскоўскім дзяўчатам вельмі спадабалася, як кормяць у «Пунсовым ветразі»: «Смачна! Кожны дзень нешта новае», «Столькі багата страў з бульбы», «Дранікі з мясам – проста пальчыкі абліжаш», «Якая смаката бульба са смятанай»…
Аляксандр ШЭДЗЬКО.
У жніўні на сваё першае працоўнае месца ў СШ № 1 г. п. Шуміліна прыйдуць маладыя спецыялісты Юлія Броўкіна і Марыя Мялюха. Яны – настаўнікі пачатковых класаў. Пакуль той жнівень, дзяўчаты вырашылі не сядзець дома, а ўладкаваліся выхавальнікамі на трэцюю і чацвёртую змены ў аздараўленчы лагер «Пунсовы ветразь».
Марыя і Юлія – больш чым сяброўкі, як самі гавораць, як сёстры. Вучыліся ў адным класе, разам паступілі ў Полацкі педагагічны каледж. Падчас вучобы жылі ў адным пакоі ў інтэрнаце. Зараз абедзьве паступілі на завочнае навучанне ў Віцебскі дзяржаўны ўніверсітэт імя П. М. Машэрава. Пайсці працаваць у «Пунсовы ветразь» было таксама сумесным рашэннем.
– Хацелася паспрабаваць сябе ў ролі педагогаў, – прызналіся яны. – Тым больш, што добра ведаем кіраўніка лагера Святлану Юр’еўну Раманаву, спадзяваліся, што яна дапаможа нам у нашых першых педагагічных кроках. Так і атрымалася. А яшчэ на трэцяй змене працавала наша будучая калега – настаўніца пачатковых класаў СШ №1 Наталля Віктараўна Ніканава, якая шмат што падказвала.
Марыя Мялюха на трэцяй змене была выхавальнікам у 2-м атрадзе, Юлія – падменным. Маладыя спецыялісты адразу знайшлі агульную мову з дзецьмі, праўда, пра субардынацыю не забыліся. Адпачываючыя літаральна не адходзяць ад Марыі і Юліі, абмяркоўваюць свае поспехі ці няўдачы, дзеляцца сакрэтамі.
– «Пунсовы ветразь» пацвердзіў, што мы не памыліліся з выбарам прафесіі, – зазначылі дзяўчаты. – Так, дзесьці цяжкавата, але, бачачы зацікаўленыя і шчаслівыя вочы дзяцей, ты разумееш, што твая работа патрэбная і прыносіць карысць і задавальненне.
Аляксандр ШЭДЗЬКО.
Рэспубліканская акцыя «Бяспечныя канікулы» працягваецца ў Шумілінскім раёне. На гэты раз шумілінскія ратавальнікі накіраваліся ў дзіцячы аздараўленчы лагер «Пунсовы ветразь» у Лескавічы і правялі з адпачываючымі займальнае мерапрыемства, накіраванае на папярэджанне пажараў і надзвычайных сітуацый.
Мерапрыемства пачалося з квэст-гульні «Шыфр 112», дзе рабят чакалі выпрабаванні, прайшоўшы якія, кожны змог паўтарыць асноўныя правілы бяспекі. Дзеці ўспомнілі, якія грыбы атрутныя, а якія ядомыя, як паводзіць сябе ў лесе і на вадаёме, як выклікаць ратавальнікаў і што рабіць да іх прыезду, праяўлялі спрыт і хуткасць на гульнявай і спартыўнай лакацыях, апраналі на хуткасць камплект баявога адзення.
А потым для рабят ратавальнікі сумесна з прадстаўнікамі таварыства ратавання на водах арганізавалі займальны занятак на Лескавіцкім возеры па правілах бяспечных паводзін на вадзе. На практыцы хлопцы і дзяўчаты адпрацавалі кіданне ратавальнага круга і канца Аляксандрава.
Бяспечнае лета працягваецца.
Лагеры запрасілі дзяцей на адпачынак
У летні перыяд плануецца аздаравіць 418 вучняў у прышкольных выхаваўча-аздараўленчых лагерах і 65 хлопцаў і дзяўчат – у лагерах працы і адпачынку.
Учора, 2 чэрвеня, пачалі працаваць школьныя аздараўленчыя лагеры ў СШ № 1 і СШ № 2, Обальскай СШ. Работа лагераў з дзённым знаходжаннем дзяцей арганізавана па рознай профільнай накіраванасці: турысцка-краязнаўчай, эколага-біялагічнай, грамадзянска-патрыятычнай і сацыяльна-педагагічнай.
«У СШ № 1 адпачываюць і аздараўляюцца 116 дзяцей. Восем навучэнцаў раённага цэнтра карэкцыйна-развіваючага навучання і рэабілітацыі ў рамках работы аздараўленчага лагера «Дружба» ў СШ № 1 будуць уцягнуты ў аздараўленчую, культурна-адукацыйную дзейнасць, якая садзейнічае развіццю ў вучняў грамадзянскасці, патрыятызму, умацаванню ведаў дзяцей пра Беларусь, пра малую радзіму, – расказала метадыст вучэбна-метадычнага кабінета Таццяна Кірпічэнка. – У лагеры СШ № 2 адпачываюць 55 дзяцей, у лагеры Обальскай СШ – 60».
Лагеры працы і адпачынку адкрыты ў СШ № 2 і Обальскай СШ. Яны прынялі 22 старшакласнікаў.
Пачалася першая змена і ў спартыўных лагерах. У Шумілінскай СДЮШАР
у спартыўным лагеры адпачываюць і займаюцца спортам 86 выхаванцаў спартыўнай школы. 15 юных біятланістаў наведваюць лагер «Алімпіец» Віцебскай абласной СДЮШАР прафсаюзаў па зімніх відах спорту.
Сёння, 3 чэрвеня, пачаў работу і стацыянарны кругласутачны выхаваўча-аздараўленчы лагер «Пунсовы ветразь» у Лескавічах. На першай змене тут адпачнуць каля 60 дзяцей.
Аляксандр ШЭДЗЬКО.
Торжественное мероприятие «Молодые таланты Шумилинщины» состоялось 23 мая в районном Центре культуры.
На мероприятие приглашены победители предметных олимпиад, конкурсов, фестивалей художественного мастерства, спортивных соревнований областного, республиканского и международного уровней. 60 учащихся учреждений общего среднего и дополнительного образования и специализированной детско-юношеской школы олимпийского резерва получили премии Шумилинского районного исполнительного комитета.
Заместитель председателя райисполкома Ирина Шалахова поздравила учащихся с достижениями в различных сферах, пожелала дальнейших успехов. Слова благодарности были адресованы педагогам и родителям учащихся.
Ирина Шалахова вручила премии наиболее отличившимся учащимся и благодарственные письма родителям и педагогам учащихся.
В номинации «Интеллект» награды учащимся и благодарности родителям и педагогам вручила начальник отдела организационно-кадровой работы райисполкома Галина Королева.
В номинации «Творчество» сертификаты на премию и благодарственные письма вручила начальник отдела по образованию райисполкома Оксана Толстая.
За достижения в спорте учащимся Шумилинской СДЮШОР награды вручал начальник отдела идеологической работы и по делам молодёжи Руслан Матвейчук.
Начальник РОВД Леонид Новицкий вручил награды за достижения в спорте учащимся Шумилинского районного центра детей и молодёжи.
«Праметэй» СШ № 1 запаліў!
На мінулым тыдні ў раёне выбралі лепшую каманду юных ратавальнікаў-пажарных. Пераможцай стала каманда «Праметэй» СШ № 1 г. п. Шуміліна. Яна прадставіць раён на занальным этапе конкурсу.
За званне лепшых спаборнічалі 5 каманд сярэдніх школ. Рабят чакала пяць выпрабаванняў – агляд строю, баявое разгортванне, аказанне першай медыцынскай дапамогі, конкурс знаўцаў і візітоўка на тэму «Юныя ратавальнікі – нашчадкі Перамогі». Спаборніцтвы прайшлі на гарадскім стадыёне і ў актавай зале СШ № 1.
Юным ратавальнікам-пажарным трэба было прадэманстраваць уменне працаваць у камандзе, хадзіць страявым крокам, хутка, спрытна і правільна апранаць баявое адзенне, як сапраўдныя ратавальнікі збіраць пажарнае абсталяванне і пракладваць магістральную і працоўную лініі да месца пажару.
Прыйшлося паспрабаваць сябе і ў ролі медыкаў: рашаць сітуацыйныя задачы, аказваць першую дапамогу пацярпелым пад пільным кантролем і наглядам сапраўдных медработнікаў.
Завяршэннем выпрабаванняў стаў конкурс візітных картак, дзе прайшла прэзентацыя каманд на тэму «Юныя ратавальнікі – нашчадкі Перамогі». Хлопцы і дзяўчаты з дапамогай музычных кампазіцый, танцавальных замалёвак, мініяцюр расказалі пра любоў да Радзімы, пра каштоўнасць Перамогі і важнасць захавання гістарычнай праўды, пра сваю ролю ў сучасным грамадстве, пра ўдзел у папярэджанні надзвычайных сітуацый, пра сяброўства з МНС і рух юных ратавальнікаў.
У фінале лідарамі злёту стала каманда «Праметэй» з СШ № 1. Другое месца – у каманды «Праметэй» з Мікіціхінскай СШ. Прызавую тройку дапоўніла каманда «Адважныя» з Обальскай СШ.
На мерапрыемстве ва ўрачыстай абстаноўцы адбылося ўручэнне членскіх білетаў і прысвячэнне новых актывістаў у рады Беларускай маладзёжнай грамадскай арганізацыі ратавальнікаў-пажарных.
Вадзім ПІВАВАРАЎ, інспектар РАНС.
І зноў шумілінцы ў пераможцах
У суботу, 12 красавіка, на гарадскім стадыёне ў Шуміліне адбылася гульня 8 тура Рэспубліканскіх спаборніцтваў па футболе «Талент–Ліга» сярод юнакоў 2012-2013 года нараджэння. Шумілінскія хлопцы прымалі каманду ДЮСШ г. Міёры і атрымалі ўпэўненую перамогу з лікам 3:0 (Ліцвін Дзяніс, Сянькоў Назар, Данчанка Дзяніс). Пасля 8 тураў наша каманда набрала 15 ачкоў і выйшла на трэцяе месца ў групе «Поўнач».
У наступную суботу шумілінскія футбалісты згуляюць у гасцях супраць наваполацкага «Нафтана».
Ларыса ЗАЙЦАВА.
Вавінам в’ет во дао
Шумілінскія спартсмены, якія займаюцца ў аб’яднанні па інтарэсах «Вавінам в’ет во дао» РЦДіМ (трэнер Святлана Бараноўская), выйгралі камандны залік на адкрытым першынстве Віцебскай вобласці, якое прайшло ў аграгарадку Бабінічы.
Першымі сталі Максім Маскалькоў, Цімур Цімошчанка, Кірыл Смірноў, Ксенія Лясняк, Расціслаў Асіпкоў, Кірыл Круглікаў, Марат Куляшоў, Данііл Асяпёнак і Сяргей Іваненка; другімі – Ганна Асяпёнак, Арцём Смірноў, Іван Даніловіч і Ульяна Багдановіч; трэцімі – Кірыл Сойка, Яна Багдановіч, Марыя Яскевіч, Раман Гайлоў і Ілья Сторажаў.
Перамаглі па міні-футболе
Удзельнікі заняткаў па інтарэсах «Гуляем у футбол» РЦДіМ сталі пераможцамі традыцыйнага адкрытага турніру па міні-футболе «Вясеннія канікулы-2025», які праходзіў у аг. Ноўка Віцебскага раёна. Трэніруе юных шумілінскіх футбалістаў настаўнік Уладзіслаў Траццякоў.
|
 |
